Kan pahnih in tian ding kan hna a tlak asi ah cun
Mitthli a hai kho ti hnga maw?
Na biangki sen tete an dum hliahmah cang mu
Ka thinlung zong a duk ve ko.
Kan tian ding rak thei ning law
Thei ve law ...
Kan rak i tong hnga lo mu.
Duhdawtnak ah palh khawh asi lo bang
Nangmah ka rak in dawt bang
Naa beek nakding tang-lum kha;
Ngaihthiam khawh i zuam peng mu.
Hnemtu umlonak khua ah,
Dawtnak a zor an ti maw?
Caan saupi tiang ka khonmi dawtnak hang vialte
Zeitindah, zei sullam in dah ka thleet sawh lai ...
Caan zong ka caah siibawi si theng hnga maw?
Tian ding cu hnatlakpi na hau ti lo mu ... thinhnem.
Kan rak i hmuh caan i 'mangtha' le
Atu, ka dang ah, a taapmi 'mangtha' ...
Cafang fonh in chim siseh law;
Ka tingtang hri a cat hnga lo.
kevin thang
na thiam tuk.
ReplyDelete