KA CHIM THAN LAI

Liamcia caan zong ah
Atu lio zong ah
Ara lai ding mi
Thaizing veal te zong ah
Ka chim than peng ko lai
Salai ...
Kan duh tuk


Mai Senripar
.5.2.2010
Monywa

MITTHLI DORKHAT

Afah...
Afah tuk k athin lung
A liam cia caan
Ngaih nak cakuat hna
Atu ah cun an kha dih
Meitek kai lak i ka khangdih
Ka mirhiang a lo cuah mah cang
Vukcan ai cang dih mi ngaih nak cakuat
Ka zoh k ahnzcang kei rial
Keimah le keimah
Biahla nak kai tuak?
A vawi tam cang
Thinlung innkhar on in
Taantak mi ka nunhlun
Ruah deah ah lungfah a zual
Ka thinlung a tahnak a sau cang
Ka rak ruat lo
Fahnak n aka pek hnga ding hi
Lungtak lo na annthlum hna
Duh nak a ri mi kei nih
Kei rak zumh sual cang
Lam kan i ton ah
Phanh hmaza kai zuam
Ka thinlung cu a tap
Liam cia caan ah khan
A fek mi dawt nak ka ngai
Ka rak i then caan tawi te hman
Arfi tam lak ka rak rel
Hi dirhmun ka phan te lai tiah
Mangzong ka rak manh lo?
Ka rak ruat bak law law lo
Kan duh zual lei sang ah
Lam dang na pial
Salai na palh kan ti lo
Nate
Hrut ngai in a palh peng mi
Kei ka thinlung hi
Kir than hnawh lo ding in
Mitthli he ka khar
Mangtha tuk ne ti dah lo cin
Ka caan zei biafang hman
A um ti lo Salai!

mai senripar

THLITE IN

Kan dun ti ah ka tial
Van khat in.
Ka philh kho lo,
Vawlei dongh tiang ...

Salai! tiah ka au
Zaan khuadei in
Kan ngai tuk tiah
Dinte in ka chimh
Ka chantling.
Salai!
Fingrei a cat
Ka ruahchannak
Dar a kuai.
Mai Senripar

VALENTINE DAY NI AHKHIN

Salai...
Khi ni kong sa duh ka that
Then caan sau hmanh seh
Khi ni ah cun
Ka zaanmang uktu bawi he
Lungthin chung bia thli hna
A thar i kan phun than lai
Ruah deuh ah lunghmui a zual
Nate na mithmai kan hmu lo nak
A sau cang
Na hmuarhmual le na sam hna
A sau cang maw?
Salai ka dawt
Kan duh tuk ka ti tawm mi bia
Ka chim than peng ko lai
Khi ni zong ah khin
Mai Senripar

HI ZAN

Kei mah lawng maw?
Kei mah le kei mah
Meilul van in
Aho khi ka hngah ti awk thei lo in?
Ka thu ka dir
Coffee hrai hnih
A dai dih cang
A ho hmanh an ra hlei lo
Meilul a dih deng
Amui cang lai ka um nak hmun
Ka thinlung zong a mui
Lungsivang i ka um
HI dirhmun ka phak lio ah
Salai nang
Zuu ,nungak le keimah
Aho khi dah kan um
Ka ruat ngamlo tuzaan
Na thinlung

Mai Senripar
30 .11.09

Lung Dongh Caan Ah.

Hi vawlei ah
Ka nun huam lo,
Zilthli bang in
Tlang za cul in
Si thiam sehlaw
Hran ve ka duh..

Ka minung hawi sin
Ka nung huam lo,
Zan thlapa bang
A chel caan ah
Si thiam sehlaw
Zan caan lawng ah
I langh ka duh...

DK- LR Mawi
29.03.10

NA THEIH KO LAI

Zei tluk in kan dawt
Ka thinlung dih lak in
Kan tlaihchan nak
Na theih ko lai..

Kan i unh caan ah
Ka palh lo zong
Ngaihthiam kan hal
Na theih ko lai
Zei tluk kan dawt hi...

Lungduh biaruah caan
Na chim theu tawn
Tlangval kong,
Kha lio caan ah
Na theih ko lai
Ka thinhung khah..

Na thei ti maw
Zan khat lio i
Ka mitthli he
Kan chawnh lio kha ?.

Na theih ti maw ?
Hmai lei kan kong
Lungsi ngai in
Saduh kan thah kha...


Lunglawmh nak he
DK- LR Mawi..

"Nagmah Va Si Ko"

Na chim tawn mi

Bia kha, chim law.

Na tuah tawn mi

Thil kha, tuah ko.

Na um tawn bang

Um law, mi nawl

Va cawng hlah!

Na bia chim le

Na umtu hna

Ai thlen hmanh ah

Nangmah va si ko.

"Thlalan hmai na diar tikah, na sining cu nangmah tein na theih ko lai"

DK Tluang
18.03.10

Kan Nun Zia ( I )

"Mi lo ah

Zu le zawng,

An i seh"
ti mi

Phungthluk te kha

Hun ruah than ah

A tu lio Laimi

Kan nun/um tu hi

Asi ko lo ma?

"Vawlei cu a thlen kho lo nain, minung lungput cu a thlen kho"

11,04.10

Kan Nun Zia ( II )

"Hmurfung bia laa

Zaangfung tthanhnem"

Biachim nih thiam

Zei tuah fawn lo

Na chim mi ban

Hei tling/si sehlaw

Zaangfung tthahnem

Asi hnga mu?

"Chim lawng theih i a tuah thei lo hi, sual phunkhat asi"

Dk Tluang
13.04.10

Kan Nun Zia ( III )

"Sanglai inn ah diar"

Na tuah mi thil

A theitu nang

Na ton lai thil

A hmu tu Pathian

"Sanglai inn ah diar"

"Thil cu tuah sual khawh asi,Nain tuah hram lo cun tuah sual cu a har"

14.04.10

Lunglawmh nak he

dktluang

BIACHAH PARDAWH

Lenrual lak ah ka bihzun par, na cuang khun ko,
khupthirual hawi lak ah...
Na mit ttial nih tthuro mit ngei ai ci kaw ...........
saduh ka thah nang he leng ti ding in,
Pa can cuh in phuan timh zawn ah ,
khirh tthan tawn maw phuang ngam lo in...
Vaal dang mi he khun dim lai ruah ah, an chim
phungthluk "ka co lo nih zaang ka zun"
Siseh.......
Nang lawmh nak ding,
thlaza ka cam,thluachuah hmu law,

"banhchan pardawh"


Pachan

KA NU NGAIHNAK

Vawlei pumpi nih aa mer nakin aa din
Va hna nih an phanhnak hmun coi in an i din
Nga hna nih ti an i lionak in an i din
A nungmi tampi hna nih an thaw chuahnak in an i din
Asinain a zungzal dinh loin a cawlcang pengmi
Dinh caan zong a ngei lomi
Ka nu kaan ngaihnak ka thinlung

Henry Hram Sang

KHENKHAM HNU SADUHTHAH

Tluang dang hram tung lo sunghno nu pa khen hrat cu kan dang hram ko u si na ti maw?:(:(:(♥♥♥
Ta hniang nang lo cun na far kei hi lei nun a zuam ko lai na ti maw?:(:(:(
Kan i Dawt nak hi dong cang ko seh na ti maw?:L:L:L
Kan tuan bia hi thli bang in thlau khawh si tung lo ):):)(:(:(:L:L
Dawt nak sem hnu cun sunghno nupa cu rel lo in doral lian hmanh seh kei na

far kan Dawt nak cu a hmun cam cin seh tiin thla za cam ka sa duh thah.. ♥♥♥


biazai ..lily

Ka Nu Dawtnak

Ka nu na ka dawtnak hi kan cham kho lai.

Ka facaah tiin Thal nilin le khanghnap lak ah

ramking ah ngaidilang na tlik tawn kha,

Ka nu saramhrang hna lak ah ka fa a khua sik sual lai tiah,

Pawl king ah Laapar na tlak tawn kha,

Lopil king ah kanu nafa kathawh lo zawn naruah ah anthur keu le

kawlhra hri na dawh tawn kha,

Ka nu keimah caah vacek sum le horkuang tiang in vomkhuai fanongei

tiva ciah can hmanh hrial lo in

Nangmag lawng ningti le thla phang in ngahring na dawi tawn kha,

Ka nu Farbo le tlangkip cul in na fa ka caah ca ciahnak a um lai lo na ti’n

far bei kawl in tlang kip na hrawn tawn kha,

Lam kam vabu te na hmuh hmanh ah a ti ding siang lo in kafale caah ti in

na rat phurh taawn kha,

A tlumbik mi khuaifung tizu na hmuh zawn ah

nanngmah tihal le rawltam hmanh ruat lo in

fa le caah a tlawt sual lai tiah kut zung in

na kan phurh tawn kha.

Mi lo hma ah kanu keimah sianginn kainak caah na dir tawn khan

ka nu ka hmu, kan zoh ngam lo eee.

Ka nu kan caah thing cia na chek hmanh ah

thhingiah pum khat te hmah, latphak tlum hmanh eiding lo in ka nu,

tlang cung khuhlu le,

lam pawng saimu thur naidinh tawn kha,

Tluang na tlawn zawn ii thil tha na hmuh zawnah

na fa le na kan philh lo ii ka facah tiah khua za na kan ruah piak mi kha.

Kemah singinn kainak caah na dam lohmanh I nachuah sian lomi ngun tangkaa cawng chung ah na rawnmi na ka chuah piak rihh.

Fa le pawtam lai ruah ah ah an phiar khauhrual ser seihnam he,

Tluang kip purphiar ah na cul kha.

K anu kafa ka ningzah lai na ti ii kawmciar lawng kan ei hmanh ah,

fa le ning zah lai na ruah ah rawl a dang in na kan chumh piak ii,

nang bel kawmciar lawng an ei kha.

Nangmah nih hni fenhding ngeilo tiang in le Angki hmanh eih ding ngeilo tiang in nafa le caah nai sum ii semsi na khat.



Chunni lin le lam chosang na kai hnu ah le,

thlanhripiput in rian na tuan hnu zong ah Ka fa le caah ti in

zan tin thla za na ka cam piak, ceu hlan in na tho ii ii thlaza na kan campiak

Tluangdang kan um zawn ah ka fa le nih khuazing lung an tlinhnak lai le

Khuaawng an pemnak lai tiah,

Mithli he thla za na camzawn kha ka nu,

Ka nu lennak tlang dang in umnak I dang hmanh she,

Ka caah thlaza na camnak thawng cu ka hnathla ah

A zungzal in a cuang ii ka ngeih peng ko.

Ka nu thlaza kan cam piak in khua zing sin ah tluahchuah za kan hal

Piak than ko rih.

Ka nu na dawtnak hi zei nih dah a tluk khawh hnga?

Zeihmanh nih a tluk kho lai lo

Ka Nu na dawtnak a thlum tuk

Ka nu na ka dawt tuk, ka nu kan dawt tuk

Na fa caah ka nu na dawtnak hi a thlum tuk ee,

Ka nudawtnak



Hring tu Nu le Pa upatnak caah

Ram Dawt Lian ( Ephraim)

Chicago,

USA

KA PA DAWTNAK

Zilthli kik te bang hrang chial maal
ka pa dawt nak kei thin lung ah
khuaza van rang toi lamli in
ni lin chosang thlanhri
put he tha dih
zaangbaa
na um zong ah pa can naa cuh
fa le caah tiin taksa si fah
phung tling na tuar
dawt nak tak he
tei na rial kha
tah fung zuh in cuai awk ttha lo
cham bau nak ngei lo mi
ka pa dawt dawt nak
cham khawh lo ding
ka ruah zawn ah
faruah tawh bang ka mitkuang ah
ngeih chiat nak mithli an luang
thin lung chung i ka pa
ka pa dawt nak
lei lung kih
hlan an rung hmuh lai .

hniang kung thang

KA PUM HMANGIN

Khulrang ngaiin
kan thinlung mitin
kan haam ,Dawt.

Lihchim bianem
Phainak kaa,lei,dang
covo kan hun chanh.

Zungthiam lo ka kut
nang zattial tlaihnak
dikdak ka khuasiksem
an hun chuahter.

Bat thiam lo ka ke
kan ton khawhnak
dingah a sur,a han,
a thul ti hriam loin.

Na hman tawnmi
rimhmui thlenrim
hna kei hnar ah
an caan tthan hoi.

Naihrawng chungkal
rualhawi hna nih
an in daw ngai an ti
lio caan ah.

"Kan hmuh lawngah
kan theih kan hmuh
lo ahcun kan philh'
na bia kaa khat
an hluam .


Ngenge theihnak ka hna
velhle biaruk bukbau ah
ser kun ai ning,,....Dawt.


Damin

Salai Peng Za Hnin

" Ka NU"

Thlakua chung ngan fahnak
phun kip tuar in aa ka
pawitu ka nu

Thlantlang tleih in aa ka dir
piaktu ka nu

Nilin khua-el sur thlu lo'n
zaang hlei aa ka cawi
piaktu ka nu

Mithmai aa ka penh piak
kho zungzaltu ka nu

Nunnak aa ka thap piak
ngamtu ka nu

Kumkul leng herh bau lo
te'n aa ka zohkhenhtu
zungzaltu ka nu

Par lakah cuang khun
aa ka duh piaktu ka nu

Ka ca'h nu vialte lakah
nu sung bikmi ka nu

Nu cincih lo pa muangmuah
lo an chim bang, vanhai lo'n
aa ka chiatu ka nu

Dawtnak lakah dawtnak sang
bik aa ka neihtu ka nu

An kan dawtu zingnu
nih an khaukhihmi chantlung
tiang kan dirpi ko sawh mu
ka nu

Salai Tialthawng

KA NU DAWTNAK

Thadih zaangba ngaiin thlakua naka pawi
Ka damnak caah eidin naa hnek
Vawlei ka hmuhhlan ah zingnu sinah thluachuah
na ka hal piak.

Nganfah tuarin nuhrin sen naka peek
rukkhua hliahcang thlentiput in
thlantlangah na dir.
kei nafa ttah aw ka nu nganfah damnak.

Hrulhhralh thisen he kei nafa na ttang nemah
chanh in khuanu vanni bongmar na ka hal piak
dongcat thiam lo ka nu dawtnak.

Ka pa nih sumser darkhuang cumh bang
an cumh lio caanah mitthli he
kei nafa ka nunnak hupphanh na zum
chungkhar ah daih le remnak na hun ser tawn.

Nilin khua el lakah kei nafa puak buin
fale zawnruah ah rianhrang na ttuan
pasal caah zaanghlei cawiin
congttial na zuk.

khualtlung mileng cinglaa ruahchan caah
puitling nusal dirhmun na dir
inn chungkhar ah na mithmai ni nu
bang a tlang peng.

"Nu chim co lo zabui lamtlang a ril' phungbia
na hun ka chim tawn
Khuaza vankil dengin ka nu aw thlam
kei nafa thinlung meibang an lin.

Ka nu na dawtnak kan chamkhawh hlan
zingnu nih nunkhua saunak in pe seh
ttap ti hin hlah law 'hmuh sung ton har"
an ti bang thaizing ah kan i ton lai ....ka Nu.

Salai Peng Za Hnin

NU DAWTNAK

Ka Nu

Dairialti nakin a kik
Khuaitizu nakin a thlum
Zilthlifim nakin a dai
Dawtnak lak ah sungbik
Asangbik le a thlumbik mi
Chamkhaw lo le rulh kholomi
Ka nu dawt nak a hmun caamcin

Fa le caah
Dinhcan zong ngei lo
Kut le ke zongnih celh lo tiang
Zanghlei cawi tu
Dirhmun sang phan ding in
Ka nunning lamhmunh sak tu
Thinlung kuai le mitthli he thlazacam tu
Rethei le thadit philh ter tu
Ka nu iang hi
Tlang chokhlei le senri nih
An iang kho lo

Mai Senripar
24.2.2010
kai lawm

KA NU

Sunghno ka nu, in hlam hmanh ning

Na um ti lo, hi lei cung ah

Na tu na fa, an tthang thliahmah

An in hlam tawn, kan pi cu tah



Ka ngeih a chia, Hi celngel cu

Ka ti zawn ah, mitthli a luang

Na rosungbik an I ken ko

In pa chak tlang, zawn ruah naak kha



Ttha hneem naak cun, Chia khawm naa thim

A tu lawng ah, a cheu ka theih

Ngakttah buangro, Seherh thiam nu

Ngakttah thluachuah, tawidor nun thiam(Nangmah ruang ah)

Nupi vaan le pasal vaan tiang (Kan Vaan a ttha)

Cu vial te cu, nangmah neh zuun

Rual u pa nih , an theih ko hih

An ka chimh tthan, na Liam ai cang



Naliam ni kha, ka philh kho lo

Kha ni ah khan, ka pa zong nih

Ka Nu a liam, a rak ti phah,

Faa dawt in pei, na rak dawt cu





A poi tuk ee, na chan tawi hi

A mah belt e, fim chimh a si

Tu le fa tal, phungthluk bia bang

Na zia tthat ning, Kan I chawng lai

Na tu fa nih, Bia an chim lai

Ka pi mi ttha,

tiah , tlaang an zarh lai, an nun zia in

PPP

IANG NGEI LILY

Rimhmui pangpar nang he kan i hlat hnu
Zeitik rimhmui ton than khi um te hnga maw?
Nang kan ngeih ah ni hluan zei tiang ka hram rih lai
Nang he len ti caan hna mitthlam cuang in
Thinlung a zaw ih zanmang tiang in kan ngai
Nang he nuam in le dawtnak bia za phai in nuam te in kan len ti caan hna
cu
tuanbia an cang ai cang lai
An chim kawlrawn vaphan hmanh ning ka caah an iang kho lo
Iang Ngei LiLy

By Anthony Biak Ceu Thang

NU LE NI

Hringtu Nu ni ka ruah lengamng ah
ka thei kho lo chinchin

Ca an tial mi ka rel ah
ka lung a buai chin

An chim mi ka ngaih ah
ka lung a piang lo

Ka tial ve lai ka ti ah
athok zia ka thiam hrim lo

Hla in ka sa lai ka ti ah
ka aw a chuak lo

Ka Ttahpi lai ka ti ah
ka mitthli a tla kho lo

Hawi ka hal ah
ka ruahnak a dang

Ka chimh ve hna lai ka ti ah
ka ruat kho lo

Ka Nu dawtnak chamding ka thei kho lai lo
A thuk tuk hringhran...

Lai
Notting hill Gate
London,Uk

"SUPSAP SUPSAP"

Hmun zakip ah Supsap Supsap !!
Tan nak laihri Philh hlah Lairam
Cinrung Vuichip Vankau par in
Thlizil an hrang Khonumthung tiang
Eng cicia in I love Chinland

An tlo tuk hna Thluk lo tar-no
Hacangrial in Kan hluan sal chan
An pulh hnga lo Rumro bawi rual!!
Thlang vai vangah Kan haal fimnak
An phun an zai Supsap supsap!!

Tluangchin za dan Vai rual ram ah
Au len kan ser SOS ti'n
Lungfah aa phua Mitthli rual he
Apoi ko dah Sem puak cawi he
A dai hnga maw Supsap supsap???

Hnah tthing tthilh in Izirh laang kaw
Rimnam sachia Tleeng tthu hmanh ngai
Par tlaan kel ve!! Lailun valttha
Let ning ka biar Chinhills caah
Ka'n philh lai lo Kadawt Lairam
Ka'n ven peng ko An au Vakok
Ka theih an phai Supsap Supsap !!!!

BY: Salai Dingdi

Hmunthurkhor Bia

Thinghnah tilh caan ah ka chuak
Rua hmunphiah thawng in an ka thlim
Lungkuainak pinlei ah
Lungthin a thar than an ti maw?
Hnahthar corh bang an thahchunh maw?
Tisikun!
Thinghnah tilh thawng ka theih ko.
Mizaw a damtertu;
The Last Leaf tuanbia ah
Hnah hlun vuitu men ka rak si kha.
Thinglung hlun vialte an khangh lioah
Hmm ...
Von i ruat ta ning ...
Remlonak min cazin kengtu;
Huatnak kha
Ziah! nan thah lo?

kevin thang

"Hnemtu umlonak Khua i Tingtang Thawng"

Kan pahnih in tian ding kan hna a tlak asi ah cun
Mitthli a hai kho ti hnga maw?
Na biangki sen tete an dum hliahmah cang mu
Ka thinlung zong a duk ve ko.
Kan tian ding rak thei ning law
Thei ve law ...
Kan rak i tong hnga lo mu.
Duhdawtnak ah palh khawh asi lo bang
Nangmah ka rak in dawt bang
Naa beek nakding tang-lum kha;
Ngaihthiam khawh i zuam peng mu.

Hnemtu umlonak khua ah,
Dawtnak a zor an ti maw?
Caan saupi tiang ka khonmi dawtnak hang vialte
Zeitindah, zei sullam in dah ka thleet sawh lai ...
Caan zong ka caah siibawi si theng hnga maw?
Tian ding cu hnatlakpi na hau ti lo mu ... thinhnem.
Kan rak i hmuh caan i 'mangtha' le
Atu, ka dang ah, a taapmi 'mangtha' ...
Cafang fonh in chim siseh law;
Ka tingtang hri a cat hnga lo.


kevin thang

PHUHRUN

Biakam ka buar

Lung a buar;

Ngaihthiam hal ning

Ing ko ning;

Ka lung ka purhdah hlaan ah,

Thlatang nu cu liam ai cang.

Cerlian ninu

Tuni cu;

Ka chuncaw ah cang ai kun.

kevin thang

A KA DAWTU KA NU

Na dawt nak bia nih,

Aka dir kamh,

Na dawt nak bia cu
thinlung ah acaam,

Zingnu sin thlua chuah hal in

ka hmai lei caan caah

lam na ka sial piak,

Na ka chimh hrin nak bia hna cu,

ka ca ah tei nak

ral thuam an si.

Na biang no cung mitthli

hna cu,ka lam ah pangpar

an cang i,na thlacam

au nak nih mei in ceu

bang in lam aka hruai.

A sung lawi khun,

van ka ngei khun,

na fa ka si mi hi.

Leidai ah liam ser cang

hmanh law,philh ni um lo

sung hno ka nu,na dawt nak.

By:ChinChin(Hniar Lawn)
Michigan state(U.S.A)

SINAH

Lungrawn khua chuaktak in maw,
Tlangza cawl in ramdang ah ee..

Fakkhun ka ti tluangdang phak hnu,,,,
Semnak zuun tuarbu rianhraang ttuan cu..

Zei ko nih maw tthenter ai hna,,,,,
Tthen sianglo Lairam le maw Laimi hna..

Hnemtu ngeilo hram rih kun law ka Nu,,,,
Na hrin seihno hna lungthlitum tlin hlan cu..

Phengtu Cinrungtlang le maw Zinghmuhtlang hna,
Lungtthul hlah law khuadei caan phaak hlan cu.

Oh! kei zong kaa zuam zingdoi cuan in ee,,,,
Hmuhlo tlang phen USA ramin ah .

Tthentu Pa Tan le maw Ngaleu rual hna
Lungkhong ko rihlaw suikip chutin hngawngawh na ton hlan tiang..

Tthentu Pa Shwe le Mahkap rual,
kei caah ka ral,,
Phuangtu Capar le maw Biazia kei caah thazaang..

B.Bawi Mang
GR, MI
USA

SUI DAWHNAK

Dawhhlei, ankaa thlum
duhkip ka cuai zawnah
Ianghlei ka kawl
parkip lak ah...

Cuang khun kan ti
khuptthi lak ah...

Aa dawh anti Chokhleipar,
Ianghlei hlah Senripar zong nih,
a dawhnak hmel cu...

Lungthin a la
aa dawhnak nih
A annkaa bianem nih
thinlung a deihter
Piangrirei a mitau nih
lung a turter, zanmang tiang...

Chim a phit, a dawhnak
lung ahmui, a muisam...cu!




B.Bawi Mang
GR, MI
U.S.A