Dairial cerh tidil sin ah
Khulrang ngai in an kal ko hna ta,
Zingdap tlaak ka in kaa thawh ve ko.
Ka sining nih fum tuk kaw ...
Vankamkil a pit riangmang.
Zan thlapa a rung mang riangmang.
Tidil cung ah a rung tlami, thlatangnu
Ka vanram cu bi tuk kaw
Kawp ngeilo he ka tahchun.
Ti thanmi an tian hnu ah
Cung thlapa thlaamte ka bihzun.
Dawtnak cu dairial ti bang ...
Tilet tho lai phan ah thaw zong dim.
Sihmanhseh!
Vawlei dang
Tidil dang
Rili tiang a hmu khotu, thlatangnu.
Cerh tidil ah ka bihzun.
Tidil pin ah a thla a zamh hnu cun,
Khuaitizu zong a khaat tertu
Zuunhla fungkhat ka hnahram ah,
Dai te'n aa hngilhmi thlizil ka hlau sual maw?
By- kevin thang
No comments:
Post a Comment