Thlakua chung ngan fahnak
Phunkip tuarin a kan Pawitu
Ka NU
Thlantlang tleihin
A ka dirpiaktu
Ka NU
Nilin khua-al sur thlu lo'n
Zaanghlei a ka cawipiaktu
Ka NU
Mithmai a ka panhpiak
Kho zungzaaltu
Ka NU
Nunnak a ka thaappiak
Ngamtu
Ka NU
Kumkul leng herhbau lo te'n
A ka zohkhenh zungzaaltu
Ka NU
Par lakah cuangkhun
A ka duh piaktu
Ka NU
Ka ca'h nu vialte lakah
Nu sung bikmi
Ka NU
Nu cincih lo pa muangmuah lo
An chim bang, vanhai lo'n
A ka chiatu
Ka NU
Dawtnak lakah dawtnak sangbik
A ka ngeihtu
Ka NU
A kan dawtu zingnu nih
An khaukhihmi chantlung tiang
Kan dirpi ko sawh mu
Ka NU
Salai Tialthawng
No comments:
Post a Comment